تحدث الفنان أحمد عزمي، من خلال لقائه في برنامج كلام الناس، الذي يتم عرضه على قناة أم بي سي مصر، وكشف الظروف التي مر بها في حياته خلال الفترة الماضية، وتحدث عن فترة غيابه عن الساحة الفنية.
وأضاف عزمي إنه تم ضبطه وذلك خلال وجوده بشرم الشيخ، وكان بحوزته مواد مخدرة، قائلا:”اللجنة وقفتنا والضابط لقى فيه حاجة مش مظبوطة، وفتش العربية وطلع منها أقراص مخدرة”.
وتابع : “الناس اللي كانوا معايا في عربيتي مش قادر أتذكرهم أنا عرفتهم ازاي أو منين”.
من بعد ثورة يناير البلد كانت في فوضى كبيرة وعربيتي أتسرقت أكتر من مرة، ودا خلاني مبقتش قادر أواجه العالم؛ لأن أخويا اتقتل وكانت حادثة بشعة وأخد أكتر من 13 طعنة في خناقة، وفجأة حسيت إن مصر مش بتاعتي وانتقلت إلى شرم الشيخ”.
وأكمل: “فقدان التوزان في حياتي بدأ يزيد وبدأت أبعد عن كل حاجة واتكون حواليا مجموعة من الأشخاص ودخلت دوامة الكحول والترامادول، فضلا عن معاناتي مع الاكتئاب، وحدثت حادثة في شرم الشيخ وكان معايا ناس في عربيتي ولجنة وقفتنا وأنا كنت باخد أقراص مخدرة بـ روشتة والموقف مكنش كويس وكان معانا بنت مسجلة، والموضوع كبر وبقيت مكسوف من نفسي واتحبست 6 أشهر”.
