قال المطرب الشعبي عدوية شعبان عبد الرحيم، نجل الفنان الراحل شعبان عبد الرحيم، إنه يعاني من مشاكل مع أشقائه بسبب تقسيم إرث والدهم الفنان الراحل .
وكشف عدوية عبر مقطع فيديو تم نشره على مواقع التواصل الاجتماعي، عن وجود مشاكل مع أشقائه خلال الفترة الماضية، قائلًا: “أنا تعبان أوي.. تعبت خلاص”.
«الأخ اللي يمشي أخوه من البيت عشان خاطر الفلوس، يبقى أصله مش جدع.. وأنا خلاص عملت لأخويا بلوك من قلبي مش التليفون بس.. وأنا أخوك الصغير، وبقولك مش مرضي باللي حصل.. أنا مش عاوز فلوس خلاص».
وتابع قائلًا: «أقسم بالله لو الفلوس اللي هتيجي من حاجة أبويا 10 مليون جنيه.. أنا مش عاوز منهم جنيه، ولو أنتم هتبقوا مرضيين خلاص، اعملوا كده».
وشهدت الأيام القليلة الماضية اشتعال أزمة كبيرة بين عصام وعبد الرحيم، أبناء الراحل شعبان عبد الرحيم، بسبب توزيع الميراث أيضًا، إذ وصل صداها إلى وسائل الإعلام، لا سيما بعدما زعم الأخير أنّ زوجة شقيقه تهجمت عليه بالشوم والعصيان.
