مشهد شاهده ملايين الجماهير حول العالم، خلال مباراة مصر والكاميرون، ما أدى إلى غضب البعض، عندما اعترض البعض على تدخين إحدى السيدات من الجماهير المصرية خلال إقامة المباراة.
واتضح بعد ذلك أن السيدة المصرية التي ظهرت في الصورة، هي برلمانية أميرة العادلي، عضو مجلس النواب عن تنسيقية شباب الأحزاب والسياسيين، والتي علقت على الصورة.
وكتبت “العادلي” منشورًا عبر صفحتها الشخصية على موقع التواصل الاجتماعي “فيس بوك”، أكدت فيه أن الصورة التي ظهرت هي صورتها، وأنها غير مهتمة بالموضوع.
وجاء مضمون المنشور كالتالي: “طيب عشان نخلص من القصة والرسايل الكتير.. ايوة دي صورتي.. ومش مضايقة ولا مهتمة بالموضوع.. أنا بشرب سجاير ومن سنين بطلت أعدها ومش مخبيه ده اصلا.. ومش هاابطل السجاير واكون انسان جديد عشان انا بحب أدخن ..عادة صحية سيئة بس بحبها ..زي اللي بيحب الأكل الدسم كده بيتخن وغلط علي الصحة بس بيحبه”.
وتابعت: “ببساطة مواطن مصري زملكاوي بيشجع كورة من الطفوله وبيحضر ماتشات فريقه ومنتخب بلده ديما في الدرجة التالته مش المقصورة ولا الدرجة الأولي.. بيفرح ويعيط ويتعصب ويزعق ويطنط ويهتف ويغني و بيأكل ويشرب ويدخن سجابر عادي جدا.. ومعلوماتي إن علب السجاير مكتوب عليها لا تباع لأقل من 18سنة.. بغض النظر عن نوعه أو شغلنته أو ديانته.. والتدخين ضار جدا بالصحة ومانصحش حد يدخن ..غير كده. انا بدخن و بحب أدخن ..وانا حرة في عالم حر”.
وأضافت: “فا نفكنا بقي من الكلام الاهبل ده.. ونشجع منتخبنا يوم الأحد، وإن شاء الله الأبطال يرجعوا بالتامنه ويفرحوا مصر كلها”.
