أكد الرئيس عبد الفتاح السيسي أن المصريين يواجهون ظلم في مجالات عديدة بسبب النمو السكاني الذي يجعل دخل الدولة عاجز أمام التنمية، قائلًا:”لما روحت بلجيكا اتكلمت مع أحد المسؤولين عن حقوق الإنسان”.
الرئيس السيسي: 14 مليون حجم الزيادة السكانية في 7 سنوات
وتابع السيسي خلال كلمته بفعالية إطلاق المشروع القومي لتنمية الأسرة المصرية ما دار بينه وبين المسؤول البلجيكي قائلًا:” إحنا معندناش حاجة مخبينها عندها قضية معروفة، سألت المسؤول أنت ليه مش بتسألني الناتج المحلي بتاعي كام؟، قلت للمسئول أنت الناتج كام عندك؟، رد وقالي 500 مليار دولار، وعدد سكانك كام؟ قالي 10 مليون، كده عايز الدخل بتاعي والنمو بتاعي يبقي 5 تريلون دولار علشان إحنا 100 مليون مصري، علشان كده الناس في مصر مظلومة، ومتتعلمش كويس، متاكلش كويس، والناس مش بتتعالج كويس، دي حقوق الإنسان اللي أعرفها إني أوفر حياة كويسة”.
وأضاف:”أنا عايش معاكم الحكاية.. وفى 2014 قولت الكلام ده.. السبع السنين، زدنا 14 مليون نسمة.. جالي أرقام دخل تكفى هذ النمو الـ 14 مليونا.. طبعا لا.. ده عجز من الدولة لا.. قدرة الدولة مش متمشية مع قدرة نمو الدولة.. الاثنين مش زي بعض.. لو عندى مصروف ألف جنيه.. دخلي مش ألف جنيه.. يبق فيه عجز.. انا مش بتكلم في موازنة.. عجز القدرة والأداء”.
وشدد على ضرورة وصول واستيعاب الرسالة لكل مصري، وأن يعرف الواقع الذي نعيش فيه، قائلًا:”أنا مواطن زي كل المواطنين وعشت عمري كله في مصر وشوفت كنت بشوف وانتبه واسأل ليه إحنا كده؟ ليه المستشفي بتاعاتنا بالمستوى ده، هل الهدف من اللي بنعمله هو لتنمية الأسرة أم تنمية الدولة المصرية؟، هل الهدف نعمل حالة رضا عند الأسرة اللي هتنعكس عن حالة الرضا للدولة المصرية وحالة الاستقرار؟”.
