كشفت الفنانة يسرا أنها لم ترفض فكرة الإنجاب، موضحة أنها حملت أكثر من مرة خلال زيجتها الأولى، لكن الحمل لم يكتمل، مؤكدة أنها تقبلت الأمر باعتباره قضاءً وقدرًا.
وقالت يسرا، خلال لقائها مع الإعلامية لميس الحديدي في برنامج «الصورة»: «أنا في جوازتي الأولانية كنت عايزة أخلف، وفعلاً حملت مرة أو مرتين ومحصلش نصيب إن البيبي يقعد، خلاص مش هعاند مع ربنا».
وأضافت: «في حاجات بتاعة ربنا ولازم تقبلي بيها، لأنك لو مرضتيش هتعملي إيه؟ هتغيري حاجة؟ إنتي اللي هتتعبي. سلمت أمري لله، والنهاردة بقول الحمد لله إني مخلفتش، علشان الحياة دلوقتي مش زي الحياة زمان، وظروف دلوقتي مش زي زمان، والقهرة بتاعة دلوقتي بقت صعبة أوي».
يسرا تكشف تفاصيل علاقتها بنجلاء فتحي
وتحدثت يسرا عن الفنانة نجلاء فتحي، معربة عن حزنها الشديد لوفاة ابنتها ياسمين، وكشفت عن العلاقة التي جمعتها بها منذ طفولتها.
وقالت: «زي موضوع نجلاء فتحي ووفاة بنتها، أنا خايفة عليها. البنت دي مولودة على إيدي، أول عملية ليها كنت معاها ومع نجلاء في مستشفى في الإسكندرية».
وأضافت: «أنا مقهورة قهرة محدش يتصورها، وبفكر في نجلاء طول الوقت وخايفة عليها جدًا، وللأسف مكنتش في مصر عشان أعرف أعزيها، ومش عارفة أروح لها عشان هي رافضة تشوف أي حد، وأنا مقدرة جدًا».
واختتمت يسرا حديثها قائلة: «ياسمين كانت ملاك مش بشر، يعني قهرة زي دي مكنتش هستحملها».
