قال الفنان أحمد داود إن ما يميز مسلسل سوتس بالعربي، والذي ينافس به في موسم رمضان 2022، انه بطولة رجلين، مشيرا الي ان هذا النوع غائب عن الدرما المصرية .
وتابع “اللي عاجبني في المسلسل إنه بطولة راجلين، يعني أنت دايمًا متعود أن المسلسلات راجل وست أو ست وراجل لكن ده بطولة اثنين رجالة، فهي حاجة غريبة بالنسبة لي وأول مرة أعملها، وكمان دور مايك مستفز جدًا لأي ممثل”.
وأضاف داود عن قيامه بشخصية مايك روس ضمن أحداث المسلسل “أنا بعمل دور آدم منصور واللي بيميزه أنه عنده تناقضات كتير وفرص بتروح وتيجي يعني شخصية غنية جدًا ومتحمس لها ومغرية، استفزتني من أول ما قرأت الإسكريبت”، وتابع ضاحكًا “وإن شاء الله زين وآدم هيكونوا أقوى من هارفي ومايك”.
وبعد ردود الأفعال التي حصدها مسلسل سوتس بالعربي بعد إطلاق البوسترات التشويقية، يقول داود “من أول ما الأفيش نزل والمقارنة حصلت، أًصل سوتس الأصلي عنده فانز كتير أوى وعندهم غيرة، وليه أنتم هتعملوه كده، طب استنى وشوف مش يمكن تحبها، أدّي فرصة بس، وأتمنى أن احنا نوصل لـ فانز سوتس الأصلي بشكل يبسطهم وكمان الناس اللي مشافتش سوتس الأصلي يتبسطوا لأن المشروع معمول بشكل كويس أوي”.
