“الفيلم اللي عاملين ضجة عليه أصحاب ولا أعز لسه شايفاه، فيلم جميل و حقيقي، مشاكل حياتيه عاديه”، بهذ الكلمات دافعت الفنانة إلهام شاهين، عن فيلم «أصحاب ولا أعز» الذي أثار جدلا منذ عرضه على منصة نتفليكس.
وعلقت الفنانة إلهام شاهين من خلال منشور عبر حسابها الرسمي على موقع الصور والفيديوهات “انستجرام” قائلة :” الفيلم اللى عاملين ضجه عليه .. أصحاب ولا أعز . . لسه شايفاه .. فيلم جميل و حقيقى .. مشاكل حياتيه عاديه.. إيه يعنى لو فيه شخص واحد يقال عنه إنه مثلى ولا نرى ذلك ..دى حريه شخصيه .. و شخصيات موجوده فى حياتنا .. و المجتمع العربي فيه بلاوى أكتر بكتير جدا من اللي إتقدم فى الفيلم”.
وتابعت :” مش فاهمه سبب الضجة المفتعلة على فيلم معروض على نتفليكس فقط .. اللي هي مش موجودة عند الناس العادية أو المتحفظة لأن فيها أفلام أجنبيه فيها ستات بتقلع ملط و مشاهد جريئة جدا .. يعنى حلال على الفيلم الأجنبي.. و حرام على الفيلم الناطق بالعربية لمجرد حوار جرئ فى المواجهة و غير معتاد ..مجتمع مهووس “.
وأردفت ” و بالنسبة للمتخلفين بتوع السينما النظيفة .. مفيش مشهد واحد في الفيلم فيه شئ يخدش حياء المتشددين كصورة .. الجرأة فقط في الحوار بين البطلة و زوجها عندما شكت فيه إنه مثلى .. و الحوار أيضا لا يوجد فيه لفظ خارج .. و على فكرة بسبب الهجوم على الفيلم سيكون الأعلى مشاهده على نتفليكس”
واختتمت قائلا:” برافو منى زكى .. فنانه ناضجه صادقه .. أداء رائع .. و الحقيقه الفيلم مباراه فى التمثيل بين كل ممثليه الرائعين إياد نصار و نادين لبكى و جورج خباز و عادل كرم .. تحيه لكل من شارك فى الفيلم بقيادة مخرج رائع وسام سميرة”.
