نشرت الفنانة كارولين عزمي مقطع فيديو على حسابها على موقع الصور والفيديوهات “انستجرام” خلال تعرضها لحادث تحرش أثناء قيادة السيارة.
وعلقت كارولين عزمي على الفيديو قائلة:” أنا اللى يعرفنى او متابعنى عارف انى شخص مالوش فى المشاكل ولا عمرى شاركت مشكله تخصنى سوشيال ميديا”.
وأردفت قائلة :” باختصار.. انهارده كنت فى عربيتي و جنبي عربيه فيها واحد كسر عليا كل اللى عملتو انى بصتله و بصيت قدامى ف لقيته بيكرر نفس الحركة تانى بأستظراف روحت طلعت الموبايل وعملت نفسي بصور عشان اخوفه واخليه يبطل يضايقنى اتفاجأت وهو بيقولى بتصوريني يا بنت “لفظ خارج”… ساعتها اتخضيت و بدأت اصور بجد و انتو هتشوفو في الفيديو الحركات اللي بي أيده و الشتايم…. و بدء يقولى تعالى ورايا والحقيقة انى مش عارفه اروح واره فين او كان عايز يعمل ايه ولانى اتوترت وخوفت ساعتها مقدرش اصور ١٪ من اللى عمله الشخص دا”.
وتابعت قائلة:” انا اتشمت واتنهت واتشمت بأهلى بأقذر الشتايم انهارده من حد معرفوش ولا عملتله حاجة ولا فتحت بوقى لمجرد انه شخص مريض.. اكيد الشخص دا أذى بنات كتير لانه تقريبا متعود على الحركات دى ومتعود يخوفهم ومش همه حتى انه يتصور و يتفضح.. انا عايزه حقى يرجعلى”.
View this post on Instagram
