أثارت الفنانة ياسمين صبري حالة من الجدال الواسع ،على مواقع التواصل الإجتماعى،عقب خلافات مع والدها الدكتور أشرف صبرى، والذى فتح النار عليها بعد عدد من التصريحات المثيرة.
خلافات ياسمين صبري مع والدها
ولم يكن هذا الصدام الأول بين ياسمين صبرى ووالدها ، حيث حدث من قبل عندما حسمت ياسمين الجدل الذي دار حول غيابها عن زفاف شقيقها، وفق ما أعلنه والدها وتسبب في تصدر أخبار عائلتها مواقع التواصل الاجتماعي.
تفاصيل الخلاف بدأته ياسمين صبري، عندما شاركت فى دردشة عبر تويتر من خلال Space، أطلقها الكاتب تامر عبده أمين.
ماذا قالت ياسمين صبري؟
وقالت ياسمين صبرى : الكون ده عبارة عن قائمة، وأنت اللي بتختار لنفسك ومحدش بيفرض عليك حاجة، فكر بنفسك واحسبها ثم توكل على الله واختار، أنت لما بتحب حاجة الكون كله بيتسخر لك، وكل حاجة بتحبك لما أنت تبدأ تحب نفسك الأول.
وأضافت ياسمين صبرى: لما تطلب من ربنا الكبير اطلب كتير، احنا نستاهل نكون في مكان أفضل، ونستحق كل حاجة حلوة في الدنيا، طبعًا لازم نسعى ونحلم، لأن اللي مبيحلمش دا شخص ميت.
وأوضحت ياسمين: كنت طفلة لا أملك كل ما أحلم به، كنت بتمنى أملك ملابس وأحذية جميلة، وقتها تخيلت ودربت عقلي الباطن على التخيل ده دون أن أدري، وعندما كبرت الأمر تطور معي وأصبحت بدرب نفسي على تخيل أحلامي وطموحاتي الأكبر.
وأشارت ياسمين صبرى: كنت أنتمى لطبقة متوسطة، وقد درست فى فترة من حياتى فى إحدى المدارس الحكومية، وكنت أذهب إلى تمرين السباحة مشياً على الأقدام، وحينها كنت أتخيل أننى أملك أجمل الأشياء فى الدنيا، سواء من ملابس أو شقة فاخرة أو سيارة.
وتحدثت ياسمين صبرى: كل مرحلة هتوصل لها هيكبر حلمك معاك، أحببت نفسي جدًا، ولهذا مختلطش بأشخاص ملهمش لازمة، كنت بشوف أني أستحق الأفضل، وأقول كيف أسعى للأفضل وأنا بورط نفسي في أشياء بتهين نفسي وتقلل من شأنها.
رد والد ياسمين صبري!
وبعد أن زعمت الفنانة أنها «كانت تعيش حياة بسيطة ولا تشتري ما تريد في طفولتها”، نشر والدها، الدكتور أشرف، على حسابه في “فيسبوك”: “دي المدرسة اللي اتخرج منها بناتي اللي واحدة منهم بتدعي إنها كانت في مدارس عربي وعاشت حياة بائسة فقيرة وانها وصلت بمجهودها!”
وأضاف: «هو الكدب في حد يوصل للدرجة دي؟ أنا أفهم الكدب لما تبقي غلبانة وتكدبي تقول أنا من عيلة كبيرة ومدارس أجنبية وعيشت في سراية وبابي كان وزير وهو بيشتغل عامل! يبقي كذب له مبرر! لكن إن واحدة اتولدت لها شغالة فليبينية بتلبس من باريس لأني كنت بجيب لها لبسها من هناك ودخلت مدرسة الـ”EGC”..أرقي مدارس اسكندرية في وقتها، وعاشت في فيلا بحمام سباحة وصالة جيم، ولها غرفة خاصة بحمامها، وكانت بليدة، وطلعت تروحي، ويا دوب تنجح بالعافية بخمسن في المية، وكانت بتروح الكلية بالعافية، وأصحيها الصبح بالساعة عشان تروح الكلية وتترفد في السنة مرتين، وعميدة كلية إعلام بيروت موجودة وتشهد..كنت أروح دايما أقدم اعتذارات وشهادات طبية عشان ترجع الكلية وشهاداتها عندي كلها كحك وأبوها دكتور..تطلع تدعي إنها عاشت حياة بائسة وغلبانة وبتكمل باقي الشهر من غير فلوس!
وتابع والد الفنانة : «إيه الكدب والفيلم المتخلف ده..إنتي عايشة دور تمثيل ورثاه من جد والدتك سيد سليمان..وبتكدبي ليه؟ حتاخدي نشان يعني على خيبتك وفقرك وصلتي وبقيتي حاجة؟ إنتي بالنسبة لأبوكي حتة عيلة مش فاهمة بتعملي إيه غير إنك بتشوهي اللي رباكي عشان الناس تسأفلك..حتي أخوكي بهدلتيه اللي طول عمره جنبك وبيجي من آخر الدنيا عشانك!
واختتم منشوره قائلا: «ياشيخة بطلي اللي انتي فيه ده، وحسبي الله ونعم الوكيل فيكي..بطلي تجيبي سيرة عيلتك أبوكي اللي رباكي منك لله.
تعليق المخرجة نيفين شلبي على أزمة ياسمين صبري ووالدها
مما جعل البعض يتضامن مع ياسمين صبري ،حيث علقت المخرجة نيفين شلبي ، على أزمة الفنانة مع والدها، قائلة: إنها لا تحبها كممثلة، حيث قررت خلال الفترة الماضية أن تقف بجانبه كفتاة، موضحة أن والدها يعتمد على التصريحات الكاذبة لتشويه صورة نجلته.
وقالت «شلبي» عبر «فيسبوك»: «بصرف النظر عن عدم حبي لياسمين صبري كممثلة.. بس ابتدت تصعب عليّ جدا، أنا عمري ما شفت أو قريت ليها بتجيب سيرة أهلها أو أبوها بحاجة وحشة أبدا».
وتساءلت المخرجة نيفين شلبي عن سبب تصريحات والد الفنانة ياسمين صبري قائلة: «ليه أبوها كل شوية يطلع بكلام فارغ كده، أنا مش فاهمة هو عاوز منها إيه وليه كل شوية يتعمد يعمل فضائح بالشكل ده ونشر صور عائلية ليها، كل الدعم ل #ياسمين_صبري كبنت».
