قالت الإعلامية عزة مصطفى، إن زواج القاصرات، أزمة كبيرة داخل الأسر المصرية وهي مشكلة يعلمها الجميع لكن الأغلبية تحاول تجاهلها رغم تأثيرها على 40% من الفتيات في مصر.
وأضافت عزة مصطفى خلال تقديم برنامج «صالة التحرير» المذاع على قناة صدى البلد، أن الجهاز المركزي للإحصاء قال إنه هناك 118 ألف حالة زواج للقاصرات سنويا، بنسبة 40% من إجمالي حالات الزواج في مصر، منهم 1200 مطلقة كل عام، و1000 فتاة أرملة.
وتابعت عزة مصطفى: «وطبعا كل حالات الزواج دي غير موثقة، يعني عندنا أكتر تلت الأسر المصرية بتكون فيها الزوجة طفلة بتربي أطفال، ولو لا قدر الله حصل طلاق تبقى طفلة بتعول أطفال، وهنا البنت بتكون ضحية لعادات كلنا عارفينها ولازم نواجهها، زي مثلا الفكرة اللي بتقول إنه أفضل مكان للبنت هو البيت وأول ما يجي عدلها لازم نسترها».
وأردفت عزة مصطفى: «في أسر للأسف بتجوز ببناتها في سن صغير عشان تخلص من المسئولية، وفي الآخر البنت اللي بتدفع تمن دا كله، والمجتمع كمان بيدفع تمن دا، من أزمات صحية وتسرب من التعليم وفقر وجهل».
واختتمت عزة مصطفى: «عشان كدا فيه اهتمام كبير من الرئيس السيسي اللي اتكلم في أكتر من مناسبة وأكد على ضرورة أنه يكون فيه مواجهة قانونية وتشريعية واجتماعية للمشكلة دي».
