أثارت واقعة جديدة جدل واسع في الشارع المصري بعد تعرض فتاة تُدعى نورا الجزار لتحرش من قِبل شاب في عز النهار أثناء سيرها بالسويس.
وتحكي نورا القصة قائلة: “كنت ماشية في الشارع عادي وفجأة الشاب مسكني من جسمي رغم إني لابسة هدوم واسعة ومش ملفتة، ولما صرخت عشان الناس يمسكوه، لقـيتهم بيطبطبوا عليه ويغسلوا له وشه ويقولوا: (ده غلبان يا آنسة)”.
وأضافت:”اللي زود صدمتي إن والده جه يعتذرلي ويقول معلش أصل عامل حادثة وأمه هتروح فيها، طب إيه علاقة ده إنه يمد إيده عليا؟”.
واختتمت نورا رسالتها قائلة:”بالله عليكم، ترضوها على إخواتكم؟”.
القصة أثارت غضباً واسعاً على مواقع التواصل الاجتماعي، وسط مطالبات بمحاسبة المعتدي وعدم التهاون في مثل هذه الجرائم.
