حضر الرئيس عبدالفتاح السيسي، اليوم الخميس، مراسم قداس عيد الميلاد الذي أقامته الكنيسة الأرثوذكسية بكاتدرائية ميلاد السيد المسيح بالعاصمة الإدارية الجديدة، للاحتفال بعيد الميلاد المجيد، والذي يترأسه البابا تواضروس الثانى بابا الإسكندرية وبطريرك الكرازة المرقسية.
وجه «السيسي»، خلال كلمته، رسالة إلى جموع المصريين قائلاً:« عاوز أقولكم أن الجمهورية الجديدة دي جمهورية الحلم والأمل، والعلم والعمل، والجمهورية القادرة وليست الغاشمة والمسالمة وليست المستسلمة والجمهورية دي هنبنيها مع بعضن وأي تحدي أو صعاب تهون لو احنا كلنا على قلب رجل واحد كلنا مع بعض، وكل عام وأنتم بخير ومصر بخير والدنيا كلها بخير، وكنت أتمنى أسلم عليكم كلكم وأهنيكم كلكم لكن ربنا يزيح عنا الجائحة ويحمينا ويحميكم»
وتابع الرئيس: « وخليني أقولكم زي ما بقول إن البلد كلها بلدنا وتسعنا كلنا، وربنا هو الحامي ويستر، أوعوا تنسوا عشان احنا موجودين في بيت من بيوت ربنا، ولازم تعرفوا إن اللي حامي البلد دي ربنا سبحانه وتعالى وندعوه ونرجوه إن يحمينا ويهدينا ويكملنا ويسبب الأسباب».
ولفت :« بقول للكل المصريين أوعوا حد يدخل بينا أو حد يفتنا لأنه مش هينتهي وكل ما هنكمل وهننجح، وأنا بقول كده لأننا في أيام جميلة واحنا بنحبكم، وربنا يعينني إن أكون خادم أمين شريف للبلد ولكم ويارب يعنا على كده».
